【準媽媽飲咩好？點飲先健康？五大最愛飲品及製作方法】

By DolphinB on 09 Feb 2018

以每人都「值得擁有」幸福生活而前進，與老公為食龍由中學相戀到現在懷有海豚寶寶。曾是一位幼稚園老師、網絡平台編輯及公關，髮型用品代言人，現職digital marketer及全職媽媽。

記得懷孕頭3個月，成日好想食嘢，但係孕婦好多飲食禁忌。加上想食嘢，但腸胃消化同以前唔太相同，但係又要有足夠營養俾啊B~~

有時諗今日食乜飲乜都好苦惱。就飲品為例，以前成日飲嘅：
紅茶、咖啡 X (咖啡因影響BB發育)
綠茶 X (太寒涼)
汽水 X (高糖、色素、冰寒涼、有咖啡因)
紙包飲品 X (高糖、色素)
果汁 ? (以為無問題，但消委會測試...好多標榜低糖高纖果汁實際不是如此，甚至有色素和防腐劑。而且水果質素和製作儀器衛生也令人擔心)
好了，數了這麼多不建議飲的，那有什麼可以飲？？
其實飲果汁無問題，只係自己製作知道來源就可以安心飲。
另外，過左3個月，紅茶、咖啡等飲品只要咖啡因含量不超標無問題。
英國食物標準局建議孕婦限制咖啡因的攝取量每日不超過200毫克：

DolphinB 孕期飲品分享：

1. 暖檸蜜~
切新鮮檸檬放入密封器皿內，加入蜂蜜。
每次飲用只需自行取檸檬和蜂蜜加水就可以了。

便宜、易製又好味，
而且酸甜可以舒緩孕吐，又有維他命，特別是維他命C。
特別留意，不要用熱水，用暖水就ok了，熱水會破壞蜜糖的營養成份啊。

2. 百香果水
百香果是我奶奶買給我的，想不到原來一查對孕婦很好。

例如可以：、緩解失眠、穩定情緒、通便助消化、舒緩孕吐，仲可以改善因神經緊張所引起的肌肉痙攣、抽搐、疼痛等。

飲用方法也超簡單，只要對切一半百香果，把果肉取出放在器密封器皿內，飲用時加水就ok了。

份量就因個人喜好調節，鐘意甜一點可以加一點蜂蜜。
味道是百香果特有的酸甜味，其實我覺得就算唔飲，淨係聞都覺得好舒服，心情真的舒緩了的感覺。
唯一有難道是新鮮百香果不是很多地方有賣。

3. Pukka 「有機孕期調理茶 (Motherkind Pregnancy) 」
【特別為懷孕女性而調配】

我未有海豚BB前，每日都會飲一杯茶，睇心情飲：紅茶、花茶、綠茶...有左之後就唔敢再亂飲了。
有日朋友介紹：Pukka 的孕期調理茶，知道佢地上奶茶好出名，但原來佢有出孕期調理茶！
一飲就愛上了，飲完覺得好 Relax同舒服！我久不久就沖來飲。

Pukka 此茶特別為妊娠第二期（懷孕13～24週）及第三期（懷孕25～36週）的孕媽媽調配
特調懷孕成份如下：
?紅桑子葉 - 強化生殖系統懷孕期的需要
?蘆筍根 - 滋潤女性
?洋甘菊 - 減輕壓力，紓緩情緒，幫助睡眠
?蕁麻葉，薄荷葉和甜茴香籽 - 幫助消化，改善便秘，紓緩孕吐情況
?不含咖啡因享受花茶之樂中調理孕期需要

另外，佢價錢好便宜！團購價才$50一盒，有20包。
如果你都想團購這裡可以幫手入Whatsapp Group購買：https://chat.whatsapp.com/invite/FMXBTg7GibeBywY2qG4pm2

4. 鮮奶 +喜歡的東西

我會睇心情加：芝麻、香蕉、甚至朱古力，最多係加芝麻~因為想海豚BB多D頭髮 XD。

香蕉同朱古力純是我個人想食，當然不能過量啦~
媽媽滿足，寶寶開心~XD
至於鮮奶用全脂還是脫脂？
我自己用全脂的，因為味道同營養都較高；但如果本身有高血壓、糖尿、過重，就要用返脫脂啦。

5. 媽媽奶

各大奶粉廠送的媽媽奶~
好多唔同嘅講法，有D人話媽媽奶會肥媽不肥B~
但有D人又話飲媽媽奶好~
其實個人認為真係好睇個人體質同口味，我自己在頭3個月，格2、3個鐘就會肚餓，而我有時唔知食咩好時，就會飲媽媽奶~
飲得最多係半夜肚餓~XD
So far 我到依家就無肥過~~~
不過如果本身增磅好勁的人，就真係唔好飲咁多。