【媽媽分享】生仔唔係咁簡單~是愛與痛的延續

By 龍鳯孖媽 on 26 May 2021

畢業於科大生化系碩士和教大教育文憑，曾於小學任教數學、常識、體育和音樂科十三年。現放棄教師工作，變身成全職媽媽兼任 Miss SwanSwan，教養一對龍鳳寶寶。Facebook:https://www.facebook.com/Miss.swanswan/

生完仔之後，孖媽除咗冇咗好多 me time 和 we time 之外，條腰開始不能向前摺埋。一想向前摺或向前彎，就感到好似有肋骨插入嘅刺痛。一直都冇時間去理，而且又唔知睇邊科好，再加上唔係太影響日常生活。所以冇去理...直至最近連右腳加膝頭都痛，一直以為拉傷咗，但真係好耐都冇好...

豬友話: 「你都咁老，可能已經退化了 ~」
我話: 「我都知我老過你，但無理由左邊無事，只退化一邊。」
看著其他舞友輕易拉筋，而我雖然老，但天生嘅筋也不算硬。
未生前，我可以做到好多動作，但依家連拉筋都痛。
決心去睇醫生同照吓條脊椎... ...
之前中醫已說我成個盆骨歪咗，但原來仲有好多問題。
果然七勞八傷，上段胸椎向右側、腰椎向左側彎導至生理曲度消失而引起肌肉痙攣、下段腰椎退行性改變、第四腰椎向後移位和右側盆骨過於左側。
Oh….no…..這是我的身體嗎??
我都唔知係咪陀住兩隻馬騮時搞到咁(但當時個肚真係好大)，定出世後成日咩住佢哋周圍去搞到咁。
我只知生完後，我彎低身幫佢哋換片都痛，好似有肋骨插入咁。
希望所有問題都真係只係因盆骨歪咗而引致，可以醫返好。