【親子好去處】馬灣遙望青馬大橋 尋隱世沙灘+歷史古蹟 遊走荒廢村落恍如探秘

我們去了一個寧靜小島 ~ 馬灣 ，距離港鐵站只是15分鐘車程，交通方便，而且沒有長洲咁爆咁多人。今次分了上下半場玩，玩足一日，放晒小朋友嘅電。上午，我們去了行山，今次真係簡易行山，來回不用一小時。連小朋友都話好易行，因為他們平時行開都算多樓梯，路程又長。段路大部份都係上斜石路或泥路，有些樓梯，但不多樓梯，沿路亦會時常見到青馬大橋，而且景色開揚。

到達 隱世沙灘 ，但落去要踏過小石頭，年紀小嘅小朋友可能不宜落去，其他人記得要注意安全啊~但個隱世沙灘已經唔再隱世，超多人，而且好多垃圾。真係 自己垃圾自己帶走 !!之後沿路折返。

路線:
入口喺馬灣足球場旁，橋地右方有條泥路。
沿路直行至分义路，左邊係竹林，右邊上山，揀右邊行。
直至另一分义路，左邊落山去隱世沙灘，右邊上山。
我哋揀咗左邊落沙灘。

後記:
沿路有兩個位置有櫈供休息，沒有廁所。
但入口處附近足球場嘅隔離有個公廁。

小朋友第一次喺泳灘玩egg hunt ，超興奮~

之後我哋去咗土耳其餐廳感受異國風情 。

食物質素很好，但店內面積較細，而且沒有high chair，唔算係一間親子餐廳，較適合倆口子去。
如果帶住小朋友，建議可以去 挪亞方舟酒店食，價錢合理，食物質素也不錯。
下午部份，我哋開始進入平行時空 。
我哋先去 石仔灣碼頭 看海，感受 漁村風情 。

順路行去 芳園書室 ，係馬灣唯一被保留嘅戰前小學，係香港三級歷史建築。
書室係一座樓高兩層嘅長方型建築，揉合中西建築風格。

現時書室只開放地下果層，展示馬灣嘅歷史，包括漁船模型及天后誕花炮等等，並且設有互動遊戲(但現在暫停開放此部份)。

門外有個小模型，展示屋頂設計。

小朋友對個模型好有興趣。
跟住去咗位於附近嘅 馬灣公園古蹟館 ，展出咗清朝古窰(製作陶瓷之用)同埋唐代窰爐遺跡。

帶小朋友四出走走看看，除咗可以放電外，又可親身學到新知識。
走回芳園書室附近嘅鐵絲網圍欄嘅路，向前行，然後轉左行去 馬灣舊村 。即 馬灣大街 和 天后廟 附近。(跟指示牌行去天后廟就到)

一個荒廢了嘅村落 ，擁有200年歷史 ，充滿著平行時空之感，彷彿不存在這時代。

聽芳園書室嘅職員講，村落會係復活節後清拆。但上網查又查不到資料。
不過當日已見到村屋已被圍住。
之前一直都好想去，慶幸可以係清拆前遊覽依個咁特別嘅地方!
(如果大家去開馬灣，可以順道去看看清拆咗未)
村內嘅荒廢遊樂場，背後有些塗鴉背景嘅建築物，我哋好似去咗另一國度遊玩。

而 馬灣公眾碼頭 旁有個 真正嘅 隱世沙灘 ，冇乜人，小朋友堆堆沙，玩得非常開心。

今次依個平行時空之旅非常特別， 打卡 滿足大人嘅慾望 ，玩遊樂場和堆沙，小朋友最開心。
下次再來，這裏可能已經被清拆了。
其實馬灣真係一個好值得同小朋友來遊覽的地方，玩一日都未玩哂。(但記得要保持地方清潔同埋保持安靜，不要影響居民啊！)

馬灣交通:
1)http://www.pitcl.com.hk/tc/bus_service.php
(葵芳站的巴士站在新都會廣場和葵青劇院之間)
2) http://www.pitcl.com.hk/tc/ferry_service.php
(聽聞荃灣渡輪已被取消，建議去前查詢)
3) 交通指南:
http://www.mawanpark.com/static/chn/transportation.html

(私家車沒許可證不得駛入)

可以係沙灘廣場站落，搭扶手電梯到地下，見到挪亞方舟酒店門口，向右轉，見到馬路，轉左直行。行一陣(右邊)便會見到馬灣公園和消防局，左邊就係足球場。

延伸閱讀：
【親子好去處】洪聖古廟睇貓+坐街渡+逛海鮮市場 感受香港仔懷舊漁港風味

延伸閱讀：
【親子好去處】日式公園賞火紅杜鵑花 單車公園之櫻花樹下 海傍漫遊+水池睇龜+草地放電

延伸閱讀：
【親子好去處】$38包睇戲+室內遊樂場+兒童圖書館 不足一米免費入場睇新片

Text & Photo : 龍鳯孖媽