超強媽媽：囝囝用環保尿片兼餵人奶！ Bob嫂湊掂4姊弟笑言：甜蜜的負擔

電台節目主持人兼金牌司儀林盛斌與妻子黃碧玲（Pearl）婚後誕下三女，終於去年8月誕下兒子林道申（Jaye）。作為全職家庭主婦的Bob嫂不單對女兒們、新生兒子照顧周到，對他們的起居飲食亦甚有要求。

囝囝用環保尿片 取替即棄尿片

幼子林道申（Jaye）剛踏入5個月大，終於學識轉身，Bob嫂立即為囝囝Jaye拍照留念，紀錄「歷史性一刻」。

為了減輕對環境負擔，Bob嫂特意為囝囝揀選環保尿片（尿布褲）。當人人覺得環保尿片「麻煩」，Bob嫂則表示：「其實用尿布褲係有佢嘅不便（因為要洗，不過可以用洗衣機），係可以克服嘅！」

Bob嫂堅持母乳餵哺

幼子林道申（Jaye）出生至今，Bob嫂一直餵哺人奶，作為「富媽」的Bob嫂（充足母乳儲備的媽媽）雖面對「塞奶」問題，仍然不放棄母乳餵哺，寧願外尋催乳師「疏乳」援助，亦不放棄母乳餵哺。

三位家姐呷醋 Bob嫂都搞得掂！

自弟弟林道申（Jaye）出生後，三位家姐均有「呷醋」表現，例如姐姐本來可以自行如廁突然「唔識」、原本可以自行吃飯卻要人餵。三個家姐「輪流呷醋」，要拆解三位家姐行為倒退問題，還要兼顧弟弟需要，真的不容易啊！

Bob嫂不禁笑言：「呢四個就係我『甜蜜的負擔』佢地嘅表現直接影響我係一個淑女定係潑婦！」

「我從來冇諗過要教出一個點樣嘅小朋友，因為我並唔需要用佢地嚟證明自己；反而我好感激有佢地，身上留著我一半嘅血，似我亦唔似我，陪我一起走過我的人生，甚至教導（訓練？）我成為更好嘅我！」

養大一個小朋友已經不容易，要養大四個兒女，還要對他們的生活細則有要求、照顧無微不至、不厭其煩，Bob嫂真是一位超強媽媽！

Text: Mami Editorial

Source: Bob嫂@Instagram, Bob嫂@Facebook