【選校難題】太太想仔仔入名校！老公剖白當年讀名校「孤獨痛苦」　爸爸：想個仔無壓力定晚晚為功課而喊？

By Sarah on 12 Oct 2020

Digital Editor

讓小朋友「入名校」在不少父母心中是一個終極目標，每年各所名校的簡介會、開放日均一早爆滿。名校得到家長的熱烈追捧固然不難理解，諸如學生成績好、學校多資源、畢業生人脈廣等優勢，都是「贏在起跑線」的有利條件。不過對於作為「用家」的小朋友，他們的感受又是如何的呢？近日有位畢業自名校的爸爸在網上分享，指和太太為了小朋友的學校問題起爭執，更直接問道：「你想你笑，係因為個仔無壓力而真係開心笑，定係因為滿足自己威威而個仔晚晚因為功課而喊換返嚟？」，引為不少網民的感慨和討論。

Photo from MamiDaily

這位「名校爸爸」日前在面書專頁「名校 Secrets」發帖，指自己又因為小朋友的教育問題而和太太意見相左，「又係為『名校』，差啲俾老婆大人响個仔面前罰跪鍵盤。」原來這名畢業自名校的爸爸，因為學生時期親身經歷了名校的「黑暗歲月」，即使早已畢業並已為人父，回想從前的「名校日子」，仍然猶有餘悸，故對兒子入名校持反對意見。

「名校爸爸」坦言自己出身草根，而且父母早年離異，母親雖然書讀得不多，但為了養大他，身兼幾職、日夜操勞。「細細個我就明，佢（媽媽）咁做無非都係想我勤力啲，俾最好嘅嘢我，幫我鋪路入間名校，可以出人頭地。」樓主最後不負媽媽所望，順利考入母親大人心目中第一志願的名校，「記得派位嗰日佢知我考佢想我入嗰間第一志願名校，佢開心到喊住周圍同街坊講。」

然而似乎真正開心的只有母親，作為讀名校的樓主本人，整個中學生涯除了閉關讀書應付公開試，其他回憶都並不快樂，直言：「一個草根仔再叻再勤力咁入名校，始終融入唔到有錢同學既社交圈子，『勤力』就係唯一。」因為不忍心告訴母親自己的真實感受，樓主亦只能默默承受，但他亦指：「孤獨加壓力，有時只能夠匿埋廁所對住個屎坑講：『阿媽，你用生命換俾我既，係一個我唔快樂既青春！』」聽來唏噓。

Photo from MamiDaily

「名校爸爸」以自己的勤力換來大學入場卷，成功考入香港中文大學，惟他指畢業後也只能找到工資萬多元的工作，難以與同校那些家境優渥的同學相提並論。「响Facebook上面睇住身邊嘅中學同學靠住父蔭、繼承父業；或者喺外國繼續過住無憂無慮嘅日子；甚或至花天酒地，每隔幾個月就攬住一個新嘅女朋友。由嗰一刻開始我就接受，原來無論係唔係名校畢業，只要你唔係有錢人，你就只能走自己嘅路。」

後來樓主轉職大企業，更成功創業，生活穩定無憂。去年結婚而今年剛為人父的他，發現太太希望兒子將來能步他後塵「入名校」。向來不認同「入名校」即等於成功的樓主來說，即向太太說：「你想你笑，係因為個仔無壓力而真係開心笑，定係因為滿足自己威威而個仔晚晚因為功課而喊換返嚟？」

網民紛紛對帖文熱烈表達意見，有人認同樓主看法：「小朋友有開心童年係好重要」、「講得啱讀名校係要家庭環境配合到先唔會比人邊緣化」；惟亦有不少網民認為樓主今天的成功和進取心亦是當年讀名校的影響，更加確定名校的重要，「但我覺得樓主既上進心正正係十幾歲既reality shock 換返黎」、「作者少年時唔開心是因為無錢的壓力，而作者現在能照顧家人，是因為在名校中學會了自強不息、努力向上，靠知識和努力去脫貧，難道不應謝謝老師、謝謝母親嗎！」。

Photo from MamiDaily

為小朋友選校是一大學問，父母要考慮的很多，不應該單單只看學校的名氣。不少網民亦有提出這點，認為即使是名校，也有不同取向，亦不代表讓孩子入名校就是「為了自己威」。然而縱然大家意見各有不同，樓主帖文的最後一句獲得不少讚賞：「唔係因為自己係名校生，就以為自己可以贏在起跑前。」無論學校是「名」或「神」，重要的始終是父母的心態和小朋友的努力。各位家長共勉之！