丫媽好野 陸永嫂一句簡單說話 搞到兩個女爆喊 「我哋以後冇得鬧交」
好多人都係要經歷過失去才會懂的珍惜，而想要教導小朋友學懂珍惜身邊人這個觀念也不困難，陸永嫂Reina就用了一句簡單說話，不但令兩個愛女陸一穎(Hannah)同陸一心(Simsim)不再鬧交，還讓她們懂得愛自己身邊人這個道理。
陸永嫂昨日在社交平台上載了一張相片和片段，先是在相中看到Hannah和Simsim攬人一團哭喊，爸爸陸永則在一旁，而陸永嫂便留言表示：「如果你哋都唔鍾意大家，食埋呢餐之後，你哋就去執行李啦！一個去婆婆屋企住，一個去嫲嫲屋企住，大家以後唔好再見啦！你哋商量吓去邊個度住，我轉頭落嚟話我知！」
看到此真的讓人一頭霧水，為何陸永嫂會覺得兩姐妹會唔鐘意對方呢？幸好陸永嫂為大家解開謎底，表示：「落雨揸車睇路已經好辛苦，由中環到東隧，兩個喺後座不停嘈，不停投訴，不停雞蛋裏挑骨頭... 出咗東隧之後，「好啦，你哋咁唔鍾意大家，一個搬去嫲嫲屋企住，一個搬去婆婆屋企住，以後唔好見啦……」返到屋企我叫佢哋商量好，食埋pizza就自己執行李，我車走佢哋... 我就上咗房喇！喺房聽到佢哋喊住傾偈，但唔知佢哋講乜...所以叫Maria收埋電話錄畀我睇... 發現感人嘅一幕...」
在片中看到Hannah和Simsim在工人姐姐隔離，邊喊邊食Pizza，仲不斷講出一些姐妹情深的說話，大讚對方，喜歡和對方玩，還承諾唔鬧交做番好姐妹添。
有網友看到均表示陸永嫂的教導方法好正，既可以令兩個女明白到失去身邊至親的人感受，亦同時讓她們思考應如何向對方表達愛，最重要的是她們均知道鬧交是不對的。
Text: Mami Editorial
Photo & Video Source:陸永嫂Reina @Instagram
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
