【媽媽心聲】感激母親時刻關心自己、主動無怨湊孫 港媽:最偉大的人不是媽媽是婆婆!

【媽媽心聲】感激母親時刻關心自己、主動無怨湊孫 港媽:最偉大的人不是媽媽是婆婆!

mami熱話 產前產後
By Sarah on 07 Aug 2020
Digital Editor

爸爸媽媽們,還記得自己少年十五十六反叛任性時,媽媽對自己說過的那句:「第時你做人父母就知!」當時嗤之以鼻,現在會不會感觸良多?甚至有點後悔當年應該少駁點嘴? 

成為父母方知父母心。Photo from 安妮媽媽親子日記

最近一位港媽就有感而發,在網上分享指:「做左人媽咪,先知道世上最偉大的人並不是媽媽,我覺得絶對是婆婆!」這位安妮媽媽口中的「婆婆」其實不是別人,正是自己的母親,亦即兒子的婆婆。安妮媽媽大讚自己的母親有如超人,「真心佩服佢的偉大同毅力!一個女人照顧一頭家已經唔容易,佢仲會掛心埋結咗婚的囡囡。」

安妮媽媽指,自己生下兒子Aidan後,婆婆變得更忙,因她既幫忙照顧孫仔,更無時無刻關心和緊張剛成為媽媽的自己。「經常幫忙湊BB,可以畀我有更多的時間休息。」

婆婆和公公幫忙湊孫。Photo from 安妮媽媽親子日記

廣告
廣告

即使女兒已為人母,在媽媽的心中仍然是當初疼惜的女兒。為了讓女兒有更多休息時間,讓女兒和女婿有空外出拍拖,這位超人婆婆不時會主動提出幫忙照顧孫兒,令作為新手媽媽的女兒感激又窩心。

安妮媽媽分享婆婆經典的暖心說話:「我唔攰,我幫你湊住先,你去訓一陣。」、「聽日我幫你照顧仔仔,你同老公去拍下拖啦!」、「我好飽,你哋食哂佢,鍾意食就食多d。」、「我唔使你幫手洗碗,一陣又要我跟手尾。(其實就係想我休息下)」、「琴晚訓得好唔好?」、「有無咩想食?我買上黎俾你。」

自己做了媽媽,真正體會為人父母的苦心和偉大,更了解那句「媽咪唔肚餓」背後的真正意思,「媽咪永遠都係食得最慢的一個,因為會睇下小朋友夠唔夠食,有無邊啲特別想食多啲,就會留俾佢地。」 

Text:Mami Editorial
Source:安妮媽媽親子日記

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道