懷孕被禁止去妹妹婚禮 孕婦不滿 怒斥迷信

坊間有好多懷孕禁忌，例如BB未夠3個月唔講得、唔可以搬屋、唔可以抱其他BB、唔可以出席紅白二事等。日前，一位孕婦就喺社交網站上發文大訴苦水，指妹妹快將結婚，自己想參加婚禮，但家人卻因為迷信而堅決阻止，令佢大感不滿。

孕婦喺社交網站上指，妹妹即將結婚，自己本來想幫忙準備及參加婚禮，但當父母知道佢懷孕後，即時禁止佢參與，「我因為懷孕，告知爸媽懷孕的消息，就被爸媽拒絕幫忙及參加我小妹11月的婚禮」。

Photo from MamiDaily

孕婦覺得自己因為懷孕而被家人排斥，又認為家人迷信，依啲禁忌只局限於古代，現時已不適用，「以前古人是因為環境不好、交通不便、衛生水準不高、醫療設備不足，吃個喜宴要跋山涉水，然後有可能吃到不新鮮的食材，或是放了藥酒的食材，然後有什麼問題要跑醫院，要很久的路程，才會禁東禁西的！現在都什麼社會了，條件根本不一樣」。又指自己根本唔在意呢啲禁忌，唔理解點解父母、甚至連自己妹妹都要阻止佢去，又問係咪歧視孕婦。

Photo from MamiDaily

對於被禁止參與妹妹嘅婚禮，孕婦難過又激動，更指早知唔講自己有咗，「早知道就不要講說我懷孕了！不講到時候我的肚子也才四個月根本不明顯！」

唔少網民睇見呢位孕婦咁激動，都留言安慰佢，並表示寧可信其有，不可信其無。同時亦有網民認為不論係唔係迷信，若果家人對此感到避忌或介意，都應該尊重佢哋嘅決定，為免將來出現問題時，自己會被怪責，成為箭靶。

Text：Mami Editorial