BB喊唔停原因＋5大解決方法

喊，係BB嘅本能反應。不過，新手父母一聽到BB喊，通常都會心慌意亂。唔知BB點解喊，又唔知可以點安撫BB，真係好頭痛！今次為大家拆解BB喊唔停嘅原因，及解決BB喊唔停嘅方法。

點解BB會不停喊？

1. 初生BB喺頭3個月普遍會有愈喊愈多嘅現象，喺2個月大左右更加會喊到不可收拾，難於安撫。依個係一個正常嘅發展歷程，多數都搵唔到原因。不過放心，佢哋大部分都係健康無恙。去到3個月大左右，佢哋會漸漸適應依個世界，減少哭喊，改做用語音及動作同家長溝通。

Photo from MamiDaily

由於嬰兒有不同的脾性和發展差異，因此哭鬧的時間和出現不停哭的年齡都會稍有不同 。

2. 如果BB每日都係差唔多時間，突然不停喊，冇原因地張開嘴巴，放聲大哭或放屁。而不論點樣安撫佢哋都仍然不停喊，可能係因為俗稱嘅肚風 / 腹絞痛 。

3. BB生病，會不停哭喊，去表達身體不適。

解決BB喊唔停的方法：

1. 安撫BB情緒

將BB揹喺胸前，有節奏地輕搖，俾BB伏喺自己嘅大腿上，輕揉佢嘅背部；或伏喺自己嘅肩膀及胸膛上，並垂直地抱住佢輕輕地搖晃或踱步，漸漸將動作減慢，直至BB靜落嚟。

Photo from MamiDaily

2. 俾BB吮奶嘴

吸吮唔單止可以安慰BB，仲可以俾到安全感佢哋。因此BB哭喊嘅時候，家長可考慮俾BB吮奶嘴。

Photo from MamiDaily

3. 分散注意力

都以嘗試帶BB去搭車兜風、落街散步、幫佢按摩等，分散BB嘅注意力。

4. 保持冷靜

家長唔好太緊張，若果太慌忙，同一時間用好多唔同嘅方法去處理，只會令BB更加不安同煩燥。

5. 排除生病嘅可能

家長可細心觀察BB，留意一下佢哋除咗尖聲嚎哭外，仲有冇其他異樣，例如不願吸吮、肚脹或經常嘔吐，如有，可能係因為BB唔舒服，應盡快求醫。

Photo from MamiDaily

Text：Mami Editorial