奇人奇事！媽媽以為舊患復發 檢查後發現意外懷孕

呢個世界真係無奇不有，真係咩都有可能發生！早前一個住喺美國南科達州（South Dakota）嘅10歲小朋友因為好想要兄弟姊妹同自己玩，於是向流星許願：「我想要一個細佬同兩個妹妹。」

據《今日美國》（USA TODAY）報導，呢位10歲小朋友嘅媽媽有一日腹部突然感到非常痛，痛苦仲蔓延至全身，佢以為係腎石復發於是馬上去醫院，點知經檢查後，醫生表示原來媽媽已經懷孕34週，而且仲要係三胞胎！

Photo from MamiDaily

呢位媽媽本身已經有一仔一女，而且冇計劃再次懷孕，加上完全冇孕吐，所以佢冇發現自己有咗BB。原本去醫院打算做腎石手術，誰不知竟然變成生仔，仲要係剖腹生產。最後佢喺8月10日順利生咗三胞胎，佢哋分別喺晚上7點04分、7點05分同7點08分出世！

而呢3個小寶寶真係應驗咗10歲小朋友嘅願望，分別係一個男嬰同兩個女嬰。願望成真嘅佢表示非常開心，仲話因為自己曾經向流星許願，因此相信細佬同妹妹妹快就會出現！媽媽聽到真係唔知好嬲定好笑喇～祝三胞胎健康快樂成長！

Photo from MamiDaily

註：內文圖片為示意圖，非涉事人。

Text：Mami Editorial