BB喊聲唔係原罪 減輕壓力喊聲變笑聲

BB由出世一刻就開始嘩嘩大喊，到識講嘢都會喊。除咗出世個刻覺得好可愛、好感恩，BB之後大個嘅喊聲都會令人好心煩或者緊張起來，究竟點解會咁呢？

兒童諮詢商心理醫生明橋大二指，爸媽會因仔女喊聲以導致煩躁不安原因有兩種：

1）覺得仔女係到責備自己

當小朋友一喊，對於新手爸媽嚟講可能會自然就問自己一句「吓？我已經跟足健康院護士咁教，點解仲會係咁喊，我係唔係邊度做錯咗？」心理醫生明橋大二指，其實事實上，未必係爸媽做錯令小朋友喊，可能只係BB感覺唔舒服，扭下計，但又未學識表達，所以只會不斷喊。所以爸媽千其唔好覺得仔女喊係責怪自己，其實佢哋表達自己需求而己。

2）覺得仔女使喚自己

不論發生咩事，當有一把聲係咁「叫喚」自己，內心都會覺得煩絕對係正常。但基於自己身為爸媽，可能聽到仔女係咁「叫」自己，因為基於責任感問題，壓力會不期然增加。明橋大二醫生指，要解決有依種不安感，可以提醒自己，小朋友仲細當然咩都做唔好，自然會不斷搵媽媽，而且仲未識顧慮到爸媽情況，所以先會直接用喊去表達感受。

明橋大二醫生同時亦鼓勵，如果爸媽發現自己已經去到極限，就要同身邊人表達自己感受，而身邊人亦要好好考慮你嘅負擔，要知道你已經為小朋友忙到癲喇，周遭人就應該減低一啲無謂要求，去減輕你嘅壓力，至少「自己的事、自己做」。

作者簡介：
明橋大二
兒童諮詢商心理醫生
專業是精神病理學、兒童、青春期精神醫療
著書：《0~3歲給對愛就不怕寵壞》、《孩子你不是一個人面對：給家有青春期孩子的父母17個教養提醒》

Text：mamiDaily
Sources：《0~3歲給對愛就不怕寵壞》（和平國際授權）