九龍區兒童遊戲室

九龍區雖然較新界區消費高，但係都有唔少免費遊戲室。而遊戲室嘅主題亦相當吸引，有唔少遊戲室都有別緻設計，玩同打卡都一流！

**深水埗區**

1. 北河街體育館

依個遊戲室絕對係小朋友至愛，以糖果屋為主題，雖然只有110平方米，但有唔少糖果擺設同糖果屋仔，小朋友好似置身糖果世界一樣！

地址：九龍深水埗基隆街333號 北河街市政大廈5樓
保養日：每月第一及第三個星期三上午7時至下午1時
開放時間：由早上9：00開始至夜晚7：50，每節50分鐘，每節清潔10分鐘再開始下一節

2.石硤尾公園體育館
雖然遊戲室只有184平方米，但間隔四方方，非常之夠大，又夠寛敞，小朋友想點走就點走，唔怕撞倒。

地址：九龍深水埗南昌街290號
保養日：每月第二及第四個星期二上午9時至下午3時
開放時間：由早上9：00開始至夜晚8：00，每節50-60分鐘，每2節清潔10分鐘再開始下一節

**黃大仙區**

1.彩虹道遊樂場

依個遊樂場並唔係體育館入面或附近的，而且地下都冇軟墊，設施較似一般幼稚園唱遊室。

地址：九龍黃大仙新蒲崗彩虹道150號
開放時間：由早上10：00開始至夜晚06：00，每節只少1小時至2小時，每節約清潔10分鐘再開始下一節

2.蒲崗村道體育館

依個遊戲室都比較少人去，而且設施都一般，但有時會有一班小朋友到去參與小活動，就相當適合。

地址：九龍黃大仙慈雲山蒲崗村道120號
保養日：每月第二及第四個星期二上午9時至下午3時
開放時間：由早上9：15開始至夜晚9：00，每節45分鐘，每節清潔15分鐘再開始下一節

**油尖旺區**

1.大角咀體育館

油尖旺區就只有一個遊戲室，面積有292平方米，比其他九龍區遊戲室大，但設備就較傳統同舊式。

地址：九龍大角咀福全街63號 大角咀市政大廈6樓
保養日：每月第二及第四個星期一上午9時至下午3時
開放時間：由早上9：00開始至夜晚9：45，每節45分鐘，每節清潔15分鐘再開始下一節

**九龍城區**

1.何文田體育館
何文田依個熱帶樹林遊戲室受到好多小朋友熱愛，而且唔少去過嘅爸媽都對依個遊戲室有好高評價，覺得場內條超長、超斜、超快嘅滑梯好好玩。雖然遊戲室空間較細，只有85平方米，但比一般遊戲室多刺激遊戲設備～

地址：九龍何文田忠義街1號
保養日：每月第一及第三個星期二上午9時至下午2時
開放時間：由早上9：00開始至夜晚8：00，每節50-60分鐘，每節清潔10分鐘再開始下一節

2.紅磡市政大廈體育館

依個遊戲室比較適合年紀細少嘅小朋友去，因為設備較細件，對於大B嚟講可能唔夠滿足；而場內嘅設計亦好繽粉同以動物做主題，小朋友應容易受到吸引！

地址：九龍紅磡馬頭圍道11號 紅磡市政大廈5樓
保養日：每月第二及第四個星期一上午9時至下午3時
開放時間：由早上9：00開始至夜晚8：00，每節45分鐘，每節清潔15分鐘再開始下一節

**觀塘區**

1.鯉魚門體育館
依個鯉魚門遊戲室可以180度睇到無敵維港景，光線十分充足，同時配合海洋世界嘅主題，場內亦有較多海洋類型嘅大設備。

地址：九龍油塘鯉魚門徑6號鯉魚門市政大廈2樓
保養日：每月第二及第四個星期一上午9時 至 下午3時
開放時間：由早上9：00開始至夜晚8：00，每節30分鐘

2.順利邨體育館

順利邨遊戲室比同區嘅大，有167平方米，但設備唔多，都係一般搖搖木，而且佢中間嘅分區係用梯級分開，好多時小朋友一跑，唔記得有級就仆親了

地址：九龍觀塘順利邨道33號
保養日：每月第一及第三個星期一上午9時至下午3時
開放時間：由早上9：00開始至夜晚8：00，每節約60分鐘，，每節清潔5分鐘再開始下一節

3.藍田(南)體育館
藍田南依間遊戲室雖然只有130平方米，但設計上心思充足，會用畫同設備練起，例如原先係平面嘅橋喺地墊上，跟住再加上真橋，對於細B嚟講應該可以玩到半日了～

地址：九龍觀塘藍田碧雲道170號
保養日：每月第二及第四個星期三上午9時至下午3時
開放時間：由早上9：00開始至夜晚8：00，每節約60-65分鐘，，每節清潔10/30分鐘再開始下一節

Text：mamiEditorial

Sources：康文署