過份溺愛 後果可以好嚴重！女兒患癌離世 全因爸爸太愛佢？

做父母當然係想將最好嘅嘢畀晒仔女啦！不過當家長過份寵愛孩子，就會害咗佢哋啦。內地一個8歲嘅小朋友患上腎癌而不幸喺短短一個月內離世，背後原因竟然因為父親嘅溺愛！

Photo from MamiDaily

根據台灣媒體《三立新聞網》報導，內地一個做甜品師傅嘅爸爸，自從女兒2歲識食嘢後，經常將喺鋪頭整嘅甜品拎返屋企畀佢食，將囡囡養得肥肥白白。不過喺今年初時，囡囡突然喺幾日內暴瘦，仲成日喊住話肚痛，家人就馬上帶佢去醫院檢查。

經過詳細嘅檢查後，結果令醫生非常驚訝！呢名8歲嘅小朋友嘅肝臟同埋腎臟功能都嚴重受損，確診為腎癌，發現時已經係末期。當醫生追問家人有關女童嘅生活習慣時，得悉佢差唔多每日都會食一件甜品，仲要食足6年，難怪年紀咁細已經患上腎癌。

Photo from MamiDaily

爸爸知道原來囡囡患病嘅主因係因為自己十分心痛，激動到跪地痛哭指係自己害咗個女，係自己做錯！去醫院檢查時已經係末期腎癌，癌細胞早已擴散至身體各部位，就算用盡所有方法治療都已經無法救治囡囡，30日後便離世。醫生提醒，一日食一件小甜品睇落好似好少，不過太甜嘅食物會傷腎，加上長年累積造成今次嘅悲劇。

＊註：內文圖片為示意圖，非涉事人。

Text：Mami Editorial