進行BLW前 3大注意事項

愈嚟愈多家長都會畀BB嘗試BLW，BLW即嬰兒主導斷奶。由BB自己主導進食過程，BB喺觸摸食物及咀嚼時，同時都係訓練緊手部、口腔肌肉。另外，BB亦可以自行調節飲食份量，知道幾時飽，唔會咁易食過量及出現偏食問題等。雖然好處多，不過喺進行BLW前，有幾樣嘢要注意。

1. 正所謂「工欲善其事，必先利其器」，進行BLW前要先為BB準備齊晒啲工具，以下幾款必須要有。

Photo from MamiDaily

- 餐盤
專為BLW而設嘅餐盤，主要分為無格和分格兩種。而家長選購時亦要注意餐盤嘅用料，選擇有品質保證嘅牌子，避免餐盤有機會釋出塑化劑，損害小朋友健康。

- 餐墊
除咗餐盤，餐墊都好重要，小朋友進食期間一定會搞到一團糟，使用餐墊會更加容易清潔及收拾。

- 餐椅
小朋友仲細，必須要為佢哋準備一張餐椅，將小朋友固定喺椅子上，避免佢哋邊食邊郁。而餐椅主要有3款，分別係小餐椅、高腳餐椅和餐椅背帶。

2. 始終BLW並唔係一種傳統餵食方法，長輩未必接受，甚至好抗拒。所以家長喺進行BLW前，應先同屋企人商量及解釋，令佢哋了解BLW嘅做法同好處，大家達成共識先開始實行。Photo from MamiDaily

3. 雖然BB有Gag Reflexes（作嘔反射）嘅本能，如果食物太大件，BB吞唔到會識得吐返出嚟。不過都建議家長喺進行BLW前，應先學習兒童急救，以備不時之需。

Text：Mami Editorial