做咗媽媽後 成日心情唔好？4件事嚴重影響情緒

自從做咗媽媽後，好似愈嚟愈情緒化，唔知係咪荷爾蒙影響到心情，經常好容易就會唔開心。BB同老公一啲小舉動、朋友或家人嘅一句說話都會令媽媽好大反應，甚至記住喺心入面。當得返自己一個人時，諗起以下4個畫面真係會不自覺流眼淚！

Photo from MamiDaily

1. BB話唔要媽媽
好多時媽媽擔起大部份照顧BB嘅責任，日日夜夜嘅時間都畀晒家庭同小朋友。傷人嘅說話竟然會出自BB口中，有時佢話：「唔要媽媽」、「剩係要爸爸（或其他人）」等等，媽媽即刻心都碎晒。

2. 被鬧唔識教仔
總有啲人鍾意對其他人嘅生活指指點點。出街嘅時候，小朋友只係行路快咗啲、講嘢大聲咗少少或者做咗啲對其他人冇直接影響嘅行為，慘遭白眼之餘，有時媽媽仲會被人鬧唔識教仔，真係好唔開心。雖然覺得好嬲，不過返到屋企都係會默默反省係咪自己做錯。

Photo from MamiDaily

3. 無力感上升
有時見到小朋友悶悶不樂，自己心情都會受影響。但更唔開心嘅係，佢哋唔會主動同自己講發生咩事，媽媽覺得小朋友唔太依賴自己，無力感上升。然後就諗好多嘢，究竟係咪自己做咗啲咩令BB喺自己身上感覺唔到安全感。

4. 老公唔夠體諒
兩公婆都係第一次做父母，一定會有好多不足之處。不過當老公都加把口指責自己，媽媽真係好極度唔開心。雖然媽媽內心有啲脆弱，不過其實都好易滿足，希望老公多多體諒湊住BB好大壓力，又好易有情緒嘅媽媽啦！

Photo from MamiDaily

Text：Mami Editorial