18個月大要停用！幫BB戒奶樽 6大方法

過度使用奶樽，對BB有唔少影響。其實喺BB識得用杯飲水或其他飲料時，家長就就應該要開始幫佢哋戒掉奶樽。不過究竟點先可以成功戒用奶樽？

今次同大家分享幾個方法。

Photo from MamiDaily

BB幾歲要戒用奶樽？

愈早停用，就愈容易戒掉。喺BB識得用杯飲水或其他飲料時，就應該要戒用奶樽。一般嚟講，BB 18個月大左右就應該完全停用奶樽。

過渡使用奶樽，有咩影響？

BB一直用奶樽，會增加蛀牙及患上耳炎嘅機會；容易喝奶過多，而減少吃正餐的胃口；日後容易出現肥胖問題。

戒用奶樽方法：

1. 先畀小朋友習慣用杯子，家長可以喺日間其中一餐，畀小朋友用杯飲奶。

2. 要有心理準備，小朋友一開始可能適應唔到轉變，會好抗拒用杯飲奶，甚至大吵大哭。家長一定不能夠心軟，要堅持唔讓步，唔好畀小朋友再用奶樽飲奶。

Photo from MamiDaily

3. 畀小朋友坐喺度用訓練杯或飲管飲奶，家長則坐喺佢哋身旁協助。

4. 嘗試轉換一下飲奶嘅地方，避免喺平常用奶樽餵哺嘅地方，畀小朋友用杯飲奶。

5. 要與家人有共識，大家嘅行動要一致。因為如果家人唔支持你，或採取唔一致嘅方式處理小朋友用奶樽嘅要求，容易對佢哋讓步，都係戒用奶樽失敗嘅主要原因。

6. 家長要明白用杯飲奶嘅分量，一般會較用奶樽少，係正常的。其實1歲以後，小朋友每日飲360至480毫升牛奶，加上日常其他食物，就能提供所需鈣質。當飲奶量減少，小朋友就會有較佳胃口食正餐嘅飯菜，唔使擔心佢哋唔夠營養。

Text：Mami Editorial