研究：家長工作壓力或會影響小孩健康

小朋友唔舒服，最緊張一定係爸爸媽媽！而導致小朋友生病嘅原因，除咗可以受天氣、環境影響或朋輩傳染之外，原來連父母嘅工作都有影響！

Photo from MamiDaily

一項由美國休士頓大學負責並喺《職場健康心理學期刊》出版嘅研究近日收集咗兩組父母同健康數據，分別係低收入組同較富裕組，以評估小朋友嘅健康會唔會受到父母嘅工作壓力影響。

Photo from MamiDaily

結果顯示，工作壓力較小嘅父母，佢哋嘅仔女生病機率較低，對佢哋嘅健康影響較小。原因係父母往往喺工作得到嘅壓力，難以喺返到屋企時放低。尤其家長係喺一啲要求過高、控制過緊、工作自主權又比較低嘅公司做嘢，令到佢哋壓力更大，情緒較易失控，從而對孩子嘅健康產生負面影響。

Photo from MamiDaily

同時研究亦指出低收入或較富有家庭嘅收入差異，對小朋友嘅健康並冇直接關聯。另外，負責呢項研究嘅心理學教授Christiane Spitzmueller建議，在職父母放工後、返屋企前，可以用大概15分鐘時間放鬆一下，好似聽吓音樂、發呆放空一下，慢慢將壓力放低晒先入屋，咁樣對父母孩子雙方都較好。

Text：Mami Editorial