媽媽放假一天點算好？爸爸湊女時會遇到嘅4個難題

父母照顧小朋友點都一定有困難！有時媽媽想放假一日，爸爸肯幫手湊住小朋友已經好安慰。不過當一個大男人單獨湊住個女，又會遇到咩難題呢？

Photo from MamiDaily

1. 去洗手間
當爸爸單獨帶住囡囡出街，相信「去洗手間」一定係最大嘅問題！小朋友唔係好急好急都唔會出聲話要去洗手間，帶住個女只有兩個選擇，使用家庭洗手間或借用傷殘人士嘅洗手間。不過唔係好多商場有家庭洗手間或親子廁格，而殘廁一旦有人用緊，爸爸只好帶囡囡去男廁啦。

2. 唔熟手
第一個困難，一定係爸爸唔夠熟手！好多時都係由媽媽主力照顧小朋友，爸爸在旁輔助。如果媽媽唔係度嘅話，好多時爸爸都唔知啲嘢放喺邊度，需要一啲時間搵吓確實位置。另外當然仲有食飯、陪玩，甚至出街都係唔太清楚要準備啲咩。不過要強調返，唔熟手唔代表照顧得唔好，爸爸有自己一套湊仔方法！

Photo from MamiDaily

3. 心軟
成日都話囡囡係爸爸嘅前世情人，爸爸好多時都會心軟！每次打算企硬嘅時候，只要阿女出嗲功或者眼淚攻勢，爸爸就會全軍覆沒，囡囡話咩食就食咩、買咩就買咩！

4. 地獄廚神
好多人煮嘢食都唔叻，男女都係，唔知點解學極都學唔識！作為地獄廚神嘅爸爸，煮嘢畀囡囡食唔止需要勇氣，仲要耐性同時間。

Photo from MamiDaily

Text：Mami Editorial