新手父母必睇！
BB發燒 6大常見謬誤

BB發燒十分常見，相信每個父母都經歷過。不過好多新手父母都會非常緊張，甚至驚慌失措。其實發燒並唔係一種疾病， 只係一種徵狀。只要識得正確處理，唔單止可以令BB得到合適嘅護理，仲可以減少不必要嘅憂慮。今次為大家解答一啲BB發燒時常見嘅疑惑。

Photo from MamiDaily

1. BB發燒，係咪一定要去急症室？

如果BB出現以下其中1個情況，家長都應該盡快帶BB去急症室。

‧ 體温升高至40℃ / 104℉以上
‧ 呼吸困難、嚴重咳嗽或胸痛
‧ 面色蒼白或轉藍、有皮下出血跡象
‧ 昏迷、神智不清、精神恍惚、癱瘓、全身抽搐（抽筋）、頸梗僵直
‧ 咽食困難、嗓子（喉）痛、不停流口水
‧ 嚴重嘔吐、腹瀉、腹痛、腰痛、脫水

2. 發高燒好嚴重？

好多家長都誤以為BB發高燒代表好嚴重、好危險。但其實嚴唔嚴重，係取決於引致疾病嘅原因，同體溫高低並無直接關係。

Photo from MamiDaily

3. 食咗藥，退咗燒就冇事？

大部分人都會認為，發燒時只要食咗退燒藥，退咗燒就等於好返。但其實依個觀念並不正確，淨係食退燒藥，只係治標不治本。處理發燒應該要針對引致發燒嘅成因，對症下藥。

4. 焗一身汗，可盡快退燒？

BB發燒時，體溫已經上升，仲要用盡方法令BB流汗，例如：著多件衣物、蓋厚被。咁樣只會令BB更難受。家長應觀察BB嘅情況，如果BB覺得熱、滿頭大汗，應盡量令BB降溫，例如用冰冷毛巾或退熱貼；而當BB覺得凍時，則為佢保暖。

5. 發燒會唔會燒壞腦？

好多人話發燒會「燒壞腦」，但其實一般發燒並唔會令腦部受損。發燒係身體對付病菌、病毒等病原體入侵嘅自然反應。發燒時，身體會增加產生抗體、提升吞噬細胞作用、加快循環系統速率，以幫助抵抗入侵嘅病原體。依個情況下，身體一般會喺38.5 - 40℃（101-104℉）之間。但如發燒超過40℃（104℉），或有併發徵狀出現，則必須盡早求醫。

Photo from MamiDaily

6. 應否強迫BB瞓教休息？

BB發燒時，如果仍然好活潑好動，非常精神，家長並唔需要強迫佢哋瞓教休息。BB有氣力玩係好事，當佢玩到攰，自然會就會停落嚟休息。不過，BB嘅活動範圍最好只限於家中，家長避免帶發燒中嘅BB出街。