注意懷孕前BMI！研究指或會影響孩子成長

生BB唔係話生就生，除咗需要詳盡嘅計劃外，仲要慢慢調理身子。近日一項刊登喺科學期刊《公共科學圖書館：綜合》嘅研究（2019）證實，懷孕前嘅體重會影響母乳嘅製造，從而影響到小朋友嘅成長。各位如果準備生BB或者第二胎嘅媽媽真係要注意下了！

Photo from MamiDaily

人類嘅母乳含有可以影響到嬰兒生長嘅促炎、抗炎化合物同激素。 然而，對於呢啲化合物、嬰兒生長影響、孕前體重之間關係嘅資料少之又少。為此，負責呢個研究嘅路易斯安那州立大學健康科學中心搵咗33名女性參與，評估血液同母乳中促炎細胞因子、激素同PUFA之間嘅關係，同時搵出女性懷孕前嘅BMI對此有冇影響。

Photo from MamiDaily

研究人員將佢哋產後4至8週嘅多元不飽和脂肪（Polyunsaturated Fat）、炎性標志物（Inflammatory Markers）及荷爾蒙收集，並對BB嘅體重、長度、頭圍及脂肪質量嘅百份比進行比較。

Photo from MamiDaily

結果發現，母乳含量會因為女性受孕時嘅體重狀況有變化。負責研究嘅教授Henry Nuss博士補充指，呢個狀況會進一步影響母乳嬰兒嘅生長同發育。研究人員表示，無論孕前嘅BMI係正常定超標，母乳嘅促炎特性都同嬰兒生長指標有關，由超重或肥胖女性所生嘅BB或會對母乳嘅生長反應較慢。

Text：Mami Editorial