日常生活中老公7大貼心舉動

結咗婚加埋生咗小朋友，二人世界嘅機會愈來愈少。不過只要兩個人喺生活小事上，做多一步就可以更恩愛啦！各位媽媽，你哋嘅老公又做唔做足呢7個貼心舉動呢？

Photo from MamiDaily

1. 為你準備衣服
有時夜晚到沖涼嘅時候，真係懶到唔想郁。如果老公呢個時候，幫手拎埋啲衫畀自己，真係100分！最好就係平時出街都幫手襯埋衫啦～

2. 記得自己生日
男人嘅記性真係好差，問親咩都唔記得、唔知道！連佢自己生日都唔理嘅老公，如果記得自己生日，講聲生日快樂都夠晒開心。當然順便慶祝埋就更好啦～

Photo from MamiDaily

3. 主動叫你放假
湊仔有幾攰就唔使多講，老公主動開聲話可以照顧BB，畀自己放假一天，有呢句說話已經高興過出街啦～ 證明老公真係夠晒體貼！

4. 記得自己喜好
知道自己嘅口味，食飯嘅時候幫你挑走啲唔食嘅嘢，或者幫手食咗佢，嗰吓真係好幸福！一齊行超市嘅時候，專揀自己鍾意食嘅零食、飲品等等，老公真係冇得頂！

Photo from MamiDaily

5. 整理手袋
女人一定明白呢一點。大家永遠冇辦法想像手袋入面有幾亂！如果老公不時幫手執下個袋，將入面嘅萬年垃圾、數之不盡嘅收據等等清一清，真係會好感激佢！

6. 不時預備小驚喜
唔使記得自己行街時睇過啲咩，閒時突然送一份小禮物、寫一張Memo紙或者毫無預兆地攬一攬自己，已經覺得好窩心。

Photo from MamiDaily

7. 出糧時 自動轉帳
老公出糧時記得出埋畀自己，摸吓個個銀包發現佢厚咗好多就好開心啦～

Text：Mami Editorial