BB成日喊 爸爸媽媽抱定唔抱？

BB喊嘅時候，父母究竟應該由佢喊到停為止，定係即刻抱起佢安撫佢呢？近日一項近研究指出，寶寶每次喊嘅時候，爸爸媽媽都應該即刻抱起佢！唔止唔會寵壞BB，反而有助佢哋身心發展？

Photo from MamiDaily

一項由美國聖母大學（University of Notre Dame）心理學系主導嘅研究，分析咗超過600個成年嘅童年。結果發現，喺幼兒同童年時，經常獲得父母抱抱同安撫嘅人，長大後不但變得更健康、善良、負面情緒較少，同時亦唔會過份倚賴父母。

負責呢項研究嘅Darcia Narvaez教授表示，父母喺仔女幼兒時期所做嘅事情，確確實實影響緊負朋友嘅大腦發展，對佢哋嘅人生有重大嘅幫助。而BB期待嘅就係父母長時間嘅抱抱、撫摸。

Photo from MamiDaily

小朋友嘅生理心理都同時發展中，父母最好可以令BB保持鎮靜。如果喺佢哋喊嘅時候不聞不問，佢哋長大後做咩都會好容易好大壓力，仲好難自我平靜下來。

總括嚟講，當BB細個喊嘅時候，父母及時抱一抱佢，令佢哋心理健康發展更好，長大後冇咁易發脾氣，焦慮程度亦因而減低，對仔女絕對係一件好事！

Photo from MamiDaily

Text：Mami Editorial