1歲女童遭虐腦損 媽媽將生日願望留給女兒：願她平安長大

上月，台中發生咗一宗疑被保母虐童案。只有1歲嘅女童顱內嚴重受傷出血、腦神經斷裂、手臂骨折、背部、胸口多處瘀傷等，送院時昏迷不醒。經搶救後，上星期情況好轉，有望於下星期轉往普通病房。

女童生命力非常頑強，據知最初被送到醫院時情況嚴重，當時媽媽更曾一度指，唔排除拔喉畀囡囡離開。但經搶救，醫生為女童清除腦內血塊及治療後，情況得以改善，不但能夠自主呼吸，右側手腳亦開始活動自如，甚至能偶爾張開眼睛，大家都感到非常鼓舞。

Photo from MamiDaily

昨日為女童媽媽生日，佢喺社交網站上貼出一張囡囡緊握住佢手指嘅相片，留言指：「生日願望我給了我的寶貝們，希望他們永遠健康平安快樂，不需要人生轟轟烈烈只求平順的過一生；對著所有神明祈求願她真的能像一般孩子一樣，能跑能跳能快樂長大，真的能，我這個媽媽每月3、6、9改吃素做為條件。」

Photo from MamiDaily

女童媽媽除咗願意改為吃素去換取囡囡健康外，亦表示遇上依啲事情，生日都唔會過得快樂，希望將生日改成對囡囡嘅祝福。唔少網民都留言為媽媽及女童打氣，非常暖心。

Text：Mami Editorial