家長注意！4句唔好同小朋友講嘅說話

小朋友初初嚟到呢個世界，對所有事物都唔係好了解，需要靠父母帶領佢哋探索。父母同孩子相處時，難免有時未能控制情緒，又或者講咗啲對小朋友唔好嘅說話。用詞或語氣方面都要多加注意，避免傷害到孩子弱小嘅心靈！

Photo from MamiDaily

1. 好少事㗎咋！
有時小朋友會同媽媽講返上play-group遇到嘅人同事，好似係同學跌親、冇得食茶點咁，喺大人眼中可能好少事。不過其實小朋友同信任嘅人提起呢啲事，代表佢哋其實好擔心。大人絕對唔應該以「好少事㗎咋」嚟回應，反而應該繼續關注佢哋嘅提出嘅事，從而幫助佢哋化解憂慮。

2. 唔好喊！
千祈唔好同小朋友講「唔好喊！」、「停啦好冇？」呢啲說話。喊其實冇錯，仲係一種發洩情緒嘅好方法。當小朋友喺公眾場合喊嘅時候，父母應該向佢哋解釋呢個行為點解唔應該咁做，而唔係嘗試壓抑佢哋嘅負面情緒。

Photo from MamiDaily

3. 你係全班最叻㗎！
適當嘅讚美對小朋友嘅自信心絕對有幫助，但唔好誇大對佢哋嘅加許，唔係反而會適得其反。

4. 冷靜啲！
有時小朋友情緒有啲激動，或者發緊脾氣嘅時候，家長叫佢哋「冷靜啲！」唔係一個好注意。當小朋友覺得不安或者嬲嬲嘅時候，家長應該指導佢哋點樣慢慢平靜返，例如深呼吸。

Photo from MamiDaily

各位爸爸媽媽如果經常使用以上嘅短句，就馬上要改善下啦！

Text：Mami Editorial