孕婦的士極速生B 自行剪臍帶

一名孕婦喺搭的士去醫院中途，誕下嬰兒。雖然趕唔切入院生BB並非罕見事，但最令人驚嘆係呢位孕婦生完BB後更喺的士上自行為BB剪臍帶。

據內地報導指，深圳一名的士司機憶述，當晚11點左右，一位孭住背囊嘅孕婦上車，指要前往醫院，而車程大概需要一個幾鐘。開車不久後，該名孕婦突然表現得相當痛苦，不停大叫兼全身冒汗。司機表示載佢去較鄰近嘅醫院，但孕婦不肯，堅持要到原定醫院。

Photo from MamiDaily

結果的士司機報警，要求喺安全情況下超速，盡快將孕婦送往醫院。點知幾分鐘後，孕婦已極速喺的士後座誕下嬰兒，成個生產過程大概只有短短10分鐘。

該名孕婦誕下嬰兒後，更自行幫嬰兒剪斷臍帶，然後抱起嬰兒，等待醫護人員趕到，再拎出銀包付車資。當的士司機見到孕婦同嬰兒順利進入醫院後，就回到車上後座進行清潔。

Photo from MamiDaily

Text：Mami Editorial