4大攻略改善子女衝動性格

小朋友有唔同性格，相信令人最頭痛嘅就係衝動派！仔女可以大膽、可以喺適當時發脾氣，但過份衝動絕對會影響一生。各位父母，不妨由以下4大重點入手，幫助佢哋提升自制力。

Photo from MamiDaily

1. 認識情緒
當小朋友可以將感情同行為區分時，佢哋先能夠學習控制自己嘅衝動。家長必須要畀仔女明白，小朋友憤怒或者唔開心係正常嘅，但係打人同破壞就萬萬不能。

2. 學習聆聽
衝動行事好多時因為小朋友冇仔細聆聽，所以家長應該教導佢哋採取任何行動前，必須要了解清楚成件事。家長應該叫小朋友聽指示，並要求佢哋重複自己嘅說話一次，確保佢哋冇理解錯誤。

Photo from MamiDaily

3. 訂立規則
一個小朋友知道要做啲咩嘅時候，可以控制衝動嘅機會更大。爸爸媽媽可以同小朋友訂立規則，當孩子清楚自己違反規則嘅反果時，就可以漸漸避免衝動行先～

4. 父母榜樣
小朋友每日見得最多嘅就係爸爸媽媽，因此佢哋日常嘅行為對孩子有好大嘅影響。父母喺孩子面前最好盡量做好榜樣，以免佢哋有樣學樣。

Photo from MamiDaily

Text：Mami Editorial