計劃懷孕 做足準備迎接寶寶

結咗婚後，兩個人都會計劃定幾時生BB。除咗講緣份外，各位如果準備緊做媽媽，不妨喺日常生活中留意以下呢6件事，懷孕成功率可能會高！

Photo from Mamidaily

1. 放鬆心情
備孕過程中，最重要就係心態！唔好畀太大壓力自己同老公，唔好諗太多，唔係好易影響成孕。順其自然，BB自然就會嚟㗎啦～

2. 排卵期
排卵期同房，成功率大大提高！理論上，女性一般會喺下次經期前14日排卵。而最簡單嘅方法就係日歷計算法，只需記錄月經週期，就可以推算到排卵日子。而資料愈詳盡，日子就會愈準確。

Photo from Mamidaily

3. 調理子宮
如果你好怕怕凍、手腳冰冷、月經不調又會M痛就要注意暖宮啦～ 盡量遠離冷氣地方，避免寒氣直入身體，影響子宮運作。

4. 多做運動
運動可以加速人體新陳代謝，提高免疲力，體質變好，BB嚟到都唔使驚啦～ 而喺運動嘅過程，仲可以改善呼吸系統功能，分娩會較順利，生產過程都會痛少啲啦！

Photo from Mamidaily

5. 向壞習慣說不
生活上好多壞習慣都不利懷孕，盡可能將佢哋全部戒晒！好似戒煙、戒酒、早睡早起咁。

6. 飲食習慣
除咗靠運動調養身體，配合營養均衝嘅飲食亦好重要。最好揀多啲營養豐富嘅食物令身體攝取足夠營養，胚胎成形嘅時候就已經可以從母體中得到最佳營養。

Photo from Mamidaily

Text：Mami Editorial