【母愛偉大】兩孩之母剖腹產子 血崩切子宮陷昏迷

早前，台灣一位兩孩之母懷上第3胎，但因為擔心胎兒太小，堅持佗多數日先開刀產子，最後胎兒順利出世，但媽媽就因為子宮大量出血而陷入昏迷，恐變成植物人甚至死亡。

Photo from Mamidaily

一位網友喺社交網站上分享咗佢妹妹嘅產子過程，指妹妹本身已為兩孩之母，早前再度懷孕，喺今個月13日進行產檢時，醫生表示可以生產，但佢因為擔心胎兒太小，所以要求再等多幾日。直至19日，佢出現陣痛，於是剖腹誕下第3胎。

Photo from Mamidaily

妹妹非常緊張BB嘅狀況，生完後急不及待詢問醫生：「孩子多大？」點知下一秒突然失去意識，血壓急跌，子宮大量出血。醫生即時為佢進行電擊急救，並切除子宮保命。但仍有其他位置不斷冒血，且腦缺氧長達半小時以上，最終經搶救後被送到深切治療部。

Photo from 家屬授權

醫生指，現階段只可以靠佢自己嘅意志力醒來，即使救得返，都有可能變植物人，甚至死亡。姐姐指，當見到妹妹被推出手術室時，完全無法相信係自己妹妹：「整個人都腫起來，腫到我快認不出人來，全身上下插滿了管，也還在不斷為了她輸血。」

Photo from 家屬授權

至今妹妹仍未醒來，加上因為身體不停流血，肚內嘅積血令肚子腫脹，另外又無法排尿，只可以不斷打針，並且洗腎。

帖文有超過2萬幾名網友為妹妹打氣加油，希望佢可以早日醒來，親眼睇到BB同抱起佢。同時亦有好多網民表示母愛好偉大，生小朋友真係唔容易。

Text：Mami Editorial