泰國新例 家中吸煙或遭刑事檢控

相信唔少人屋企都有個煙民，叫咗好多次唔好喺屋企食煙，話極都唔聽！近日泰國推出新法例，打擊呢啲危害他人健康嘅吸煙者。

Photo from Mamidaily

泰國政府近日頒佈新例，禁止國民喺家中吸煙，避免同住嘅屋企人吸入二手煙，期望藉此減低因二手煙死亡嘅個案。根據《家庭發展及保護法》，被認定為對家人身體同精神健康構成嚴重危害嘅人就已經係違法，包括令他人吸入二手煙。市民若果發現自己或者家人嘅健康受到二手煙嘅影響，尤其係兒童或患有哮喘等嘅人士，即可以向有關官員官員。

Photo from Mamidaily

呢啲吸煙者一旦被裁定罪成，等同觸犯家暴罪，佢哋或會被帶上刑事法庭受審。而有關罰款或懲罰準則就暫時未確立，不過法庭可以禁止佢哋喺家中吸煙，同埋需要強制參與戒煙療程，需要喺90日內戒煙。呢條新法例將於8月20日正式實施。

Photo from Mamidaily

雖然呢條法例唔係喺香港推行，不過愛護家人同小朋友，唔止喺屋企唔好食煙，盡快戒煙先最可行！

Text：Mami Editorial