6級地震 受驚過度 孕婦提早生產 7個BB餘震中出世

星期一晚，四川宜賓長寧縣發生6級地震，有多名孕婦因受驚嚇過度，提早產嬰。醫院表示，喺餘震期間一共為7名產婦接生，全部母子平安。

Photo from Mamidaily

醫生指，地震令產婦受驚，需要提早產嬰。但由於連日嚟餘震不斷，醫院多處嚴重損毀，唔單止病房牆壁裂開、電梯停用、更冇水冇網絡。當時醫生眼見情況危急，而產房未有出現破裂問題，於是冒住風險為多名產婦接生。

Photo from Mamidaily

後來當時負責接生嘅醫生表示，感謝全體醫護人員一直緊守崗位，其中一名醫生更骶尾骨骨折，但仍堅持工作，令人敬佩。

醫院本來平均每日有2至3名嬰兒出生，但因受到地震所影響，喺12小時內，一共接生了7名嬰兒，其中5名為剖腹，全部母子平安。

Text：Mami Editorial