研究：「電子奶嘴」當作獎勵或懲罰 使用時間或會上升

依家好多小朋友都扭計、哭鬧，父母都會用「電子奶嘴」就算。當然係可以解決短時間嘅煩惱，不過未來可能會引起更多問題⋯ 而近日有研究指出，當父母限制佢哋使用電子螢幕，反而會導致更長時間使用。

呢個研究喺BMC Obesity期刊上發表，一共搵咗62個18個月至5歲大嘅兒童以及68對父母做訪問，目的係研究父母用「電子奶嘴」撫慰小朋友時間嘅長短對佢哋嘅影響。

結果發現，小朋友喺平日用電子產品嘅時間接近一個半鐘；而喺週末更加超過兩個鐘！而父母每日平均做兩個鐘電話；週末則超過兩個半小時。可見小朋友嘅螢幕時間大多係受家長影響。

另外，父母以使用電子用品作獎勵或者小朋友曳嘅時候唔畀佢哋用作懲罰，會增加佢哋使用呢啲智能手機、平板電腦、電視機等嘅時間。研究人員指，呢種情況就好似「BB乖乖坐低，媽媽就畀粒糖你食」，咁樣會提高呢啲對小朋友無益嘅物件或零食嘅吸引力。

Text：Mami Editorial
Source：University of Guelph