堅持誕下殘疾女兒 被斥自私 媽媽：克服咗考驗 擁有了一位天使！
美國一名27歲媽媽（Crystal Ortiz）喺懷孕時，被醫生告知胎兒出世後，好大機會患有脊柱裂、腦死或癱瘓等症狀，因此建議佢墮胎。不過佢同丈夫討論後，拒絕放棄，選擇誕下女兒（Riley）。雖然女兒具有先天缺陷，必須依靠助行器輔助行路，但佢毫不後悔當初做咗呢個決定。
根據《每日郵報》報導，Crystal Ortiz喺懷孕20周進行產檢嘅時候，醫生發現佢肚入面嘅女嬰好有可能會出現患脊柱裂或腦死，即使出世後都有可能半身或全身癱瘓，因此建議佢墮胎。當時Crystal Ortiz感到非常憤怒，而丈夫聽到依個消息後都不禁落淚。最後兩人一致拒絕墮胎，決定無論如何都要誕下女兒，於是女兒喺2017年7月出世。
Riley一出世就患有脊髓脊膜突出，部分肌肉癱瘓無力。喺2年間接受咗3次腦部手術及1次足部手術，現時可以依賴助行器行路。
Crystal Ortiz坦言雖然一路以嚟都過得唔容易，亦有好多事情擔心，例如昂貴嘅醫療費用，甚至會經常收到負面嘅留言，指責佢好自私，生咗Riley出嚟要佢受苦。不過Crystal Ortiz就話從來冇後悔過，亦好慶幸自己做咗呢個決定，因為Riley帶畀佢好大嘅勇氣，亦教識咗佢好多嘢，例如點樣真正去愛同真正活得開心。Crystal Ortiz指，即使再次懷孕，亦有50％機會生下另一個罹患脊柱裂嘅嬰兒，佢都仍然希望可以再次懷孕，為囡囡增添一個細佬或妹妹。同時亦用自身經歷去鼓勵其他父母絕對唔好輕易放棄，因為：「我們克服咗呢個考驗，擁有了一位美麗的天使。」
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
