備孕女性注意！宮寒6大症狀+禁忌

好多人都鍾意食生冷嘢、飲凍飲，加上近年好興著露臍裝，呢啲全部對女性身體都有唔好嘅影響，尤其係子宮！「女人要養顏，要先養好子宮」，當子宮受寒，引發宮寒，輕則月經不調，重則影響子宮功能，引致不孕不育，絕對唔可以輕視。即刻睇吓關於宮寒嘅症狀同禁忌啦！

Photo from Mamidaily

好多原因會導致不孕問題，而宮寒其實係女性最常見不育嘅因由！大家可以睇吓呢個宮寒小測試，備孕中又中咗大部份症狀嘅女性，最好盡快問吓醫生意見喇。

宮寒症狀

1. 怕凍，經常手腳冰冷

2. 月經不調、有痛經、血量少、有血塊

3. 精神狀態唔好，好容易攰

4. 白帶量多又稀

5. 小便頻繁，有夜尿問題

6. 性慾降低

Photo from Mamidaily

身體出現宮寒問題，好多時都係生活上嘅壞習慣造成，以下5個禁忌最好可免則免啦～

宮寒禁忌

1. 減少進食生冷食品
飲食習慣往往影響身體最多，生冷食物好似刺身、壽司、沙律，最好啱啱喺雪櫃拎出嚟嘅食物都唔好食咁多。其他寒涼食物好似西瓜、苦瓜、綠豆等等都盡量少食。

2. 遠離冷氣地方
除咗夏天天氣熱鍾意行商場，好多辦公室都會長開冷氣，當然最好其實都係避開冷氣地方啦。返工時，最好趁lunch time出去曬吓太陽！同埋記得帶定外套喺office著，為腹部保暖做足100分。

Photo from Mamidaily

3. 對寒氣避之則吉
近日天氣反覆經常落雨，如果淋雨，一定要吹乾頭髮先好瞓覺。另外，亦要避免坐喺一啲表面冰凍嘅地方，好似車廂入面嘅座位咁，避免寒氣直入身體。

4. 切勿做懶人
現今世代好多人都冇時間做運動，不過如果成日坐喺度唔郁，會令血氣不流通！所以唔好做懶人，多做運動促進血液循環，改善體質！

Photo from Mamidaily

5. 向「少布」衣服說不
近件潮流好hit著露臍裝，加上天氣熱就會著短褲短裙。衣服太薄或者太暴露都容易被寒氣入侵。

Text：Mami Editorial