【在職爸媽喜訊！】勞工處公布新颱風工作守則「極端情況」下唔使趕返工

身為打工仔，每次打風最擔心就係幾點「落波」，盡快出門趕返公司。就好似早前超強颱風山竹襲港，全港交通大癱瘓。政府因此進行咗跨部門檢討，以改善日後應對超強颱風嘅準備、應變以及善後工作嘅機制。

其中一項新措施就係當超強颱風引致極端情況，例如公共交通服務嚴重受阻、廣泛地區水浸、嚴重山泥傾瀉或大規模停電，政府會視乎情況，喺八號颱風警告改為三號颱風警告前公布「極端情況」。

Photo from MamiDaily

喺發出「極端情況」公布後，除咗同僱主就「極端情況」下訂立有上班協定嘅必要人員外，僱員喺八號颱風警告取消後嘅兩小時，應留喺原來嘅地點，而非立即出門返工。而政府亦會因應情況，並喺兩小時期限屆滿前，再公布會唔會延長或取消「極端情況」。

Photo from MamiDaily

當「極端情況」取消，僱員應根據早前同僱主協定嘅復工安排上班（如適用）。僱員如遇到實際困難而未能返回工作崗位，應盡快通知主管。喺呢種情況下，僱主亦應作出情理兼備及彈性處理。

Text：Mami Editorial