親子共餐 對小朋友身心發展好！

有時返工忙到冇時間，唔好話同BB一齊食飯，連自己都食不定時啊！不過原來父母同BB一齊食飯好重要㗎，唔好以為好少事！同枱食飯唔止令雙方關係親密啲，更可以令仔女身心長遠發展都會健康啲。

呢項研究由蒙特利爾大學博士生Marie-JoséeHarbec以及教育學系教授Linda Pagani主理，以親子共餐為著眼點，探討家庭聚餐與兒童健康嘅關係。

Photo from MamiDaily

佢哋邀請咗一班同年嘅BB參與研究，由5個月大嘅時候開始追蹤佢哋，到佢哋6歲嘅時候，由父母提供有關嘅詳細資料，例如食飯時表現、習慣等。到10歲時，再由自己、父母同埋老師講吓佢哋嘅生活習慣、課堂表現等。

Photo from MamiDaily

結果顯示，經常同家人一齊吃飯嘅小朋友，心理同生理都比較健康啲，而且係。原因係喺進餐嘅時候，父母嘅互動可以成為仔女嘅參考，令佢哋學識得點同其他人相處，更容易融入不同圈子。同時，父母亦可以喺食飯時，同佢哋傾吓唔同話題，順便對某啲話題表達意見。一來可以令小朋友嘅溝通技巧得以改善，二來家庭成員之間嘅關係都會愈來愈親密啦！

Photo from MamiDaily

各位爸爸媽媽，同仔女食飯嘅時候，不妨放低電話、閂埋電視，好好享受屬於一家人嘅時光啦～

Text：Mami Editorial
Source：University of Montreal