鍾嘉欣三年抱兩 歌影視全能女藝人進化成全能媽媽

35歲演員鍾嘉欣演藝事業有成，唱歌演戲能力都俱備，曾獲多個視后、女歌手獎項。正當大家都以為嘉欣值事業高峰，往後一定會更專注事業、繼續演活更多優秀作品。誰不知嘉欣突然宣佈已於加拿大簽紙結婚，對象為大她13年嘅圈外人Jeremy。無幾耐仲生咗囡囡Kelly，此後嘉欣就慢慢淡出娛樂圈、移居返加拿大生活。就喺去年，嘉欣仲好快三年抱兩，生咗囝囝Jared，湊夠一個好字！

Photo from MamiDaily

當時大家都對嘉欣同Jeremy嘅戀情有好多疑問，但嘉欣回想起當時和老公相隔異地拍拖，每晚最吸引、期待就係聽到Jeremy嘅聲線：「個把聲線係電話度係特別迷人、特別令人安寧。」尤其當嘉欣感到緊張、壓力大、傷感嘅時候，Jeremy嘅聲音都可以令嘉欣平靜落黎。

提到婚後最大改變，嘉欣就指：「最大唔同係放低自己，以前睇自己睇得太重，當我係單身嘅時候咩都係諗自己。但當有咗小朋友、家庭嘅時候，唔係諗『我』，而係諗左小朋友先。嘉欣指現在就算想復出工作、拍劇，甚至小至吃飯，都要停一停、諗一諗，考慮清楚自己可唔可以兼顧得到。」

每對父母都想為小朋友建立一個健康嘅家庭：「一定要擺時間落去！每樣嘢都係，你擺到足夠時間落去，佢就會grow得好好。」

Photo from MamiDaily

講到同Jeremy係湊小朋友方面嘅分工，嘉欣分享最佳方法：「我地無分工㗎！邊個得閒就邊個做，我覺得呢個就係最好嘅方法。」

十對有九對夫妻都會因為湊小朋友而有爭執，嘉欣就話媽媽教咗佢一個夫妻相處之道：「要記住兩夫妻係一條team，而唔係一個單體去湊小朋友，要兩個人同步，唔可以計較，一計較就出事㗎喇～」

Photo from MamiDaily

仲話只要知道佢同Jeremy係同時間、同心去為頭家付出，個人就會好舒服、安心：「I'm not alone～我有我老公同我一齊去行呢條路」，嘉欣話自然覺得一切都好值得。

而講到一對仔女，嘉欣話聽到囡囡一句：「媽媽，I Love You！」、「媽媽，Share～」咁就好足夠。由見到囡囡由亂叫亂喊咁唔肯洗頭，慢慢一日一日接受洗頭。望住囡囡成長、變化，嘉欣不禁心裡為囡囡感到驕傲。而對於仔女嘅前程、會唔會加入娛樂圈等等，嘉欣就話：「無諗太多，由得佢地順其自然，唔會限制佢地。只要佢地健健康康、快樂，成長咗做個好人就已經足夠。」

Photo from MamiDaily

Text & Photos：Mami Editorial