港大推親子健康計劃 紓緩濕疹兒童及家人困擾

濕疹係最常見嘅兒科皮膚病，影響全球15-20％嘅兒童同30％嘅香港兒童。據估計，香港目前有超過160,000名兒童（0至14歲）患有呢種疾病。患有濕疹嘅小朋友通常都有睡眠困擾、疲倦、社交障礙、自尊心下降、情緒困擾等問題。家長喺照顧小朋友嘅過程中，少不免會受到一定嘅壓力，例如：情緒困擾、社交活動減少、生活質量下降等。

Photo from Shutterstock

香港大學社會工作及社會行政學系曾舉辦過全港首個為患有濕疹小朋友及其父母而設嘅「童心同行」身心靈健康親子課程。發現到課程有效紓緩小朋友嘅身心困擾，幫佢哋處理到情緒，同時亦提升到家長嘅整體生活質素，仲可以籍此培養到更好嘅親子關係。

有見及此，香港大學將會聯同幾間非政府機構，再次舉辦「童心同行」身心靈健康親子課程。課程分為3部分，包括：認識身心靈健康嘅內容及自助技巧、改善濕疹徵狀及情緒管理、學習喺濕疹嘅挑戰中成長。

Photo from Shutterstock

今次課程嘅主要對象係低收入家庭（受助於綜合社會保障援助計劃或學校書簿津貼計劃的家庭）嘅父母及6-11歲或正就讀小學，又患有濕疹嘅子女。佢哋參加課程嘅所有費用將會全免。

詳情：童心同行 （第三期）︰濕疹兒童及其家長之親子健康計劃

Text：Mami Editorial