【暖心孝順仔】學校地震演習 小男孩痛哭憂父母有危險

內地唔少學校，為咗提高小朋友嘅災害意識，都會定期進行災害演習。日前，江蘇南京一間幼稚園進行地震逃生演習時，其中一個小朋友因為擔心屋企人有危險，失控大喊。最後老師耐心同佢解釋，表示家人安全冇事，小朋友先放心，情緒慢慢平伏。

Photo from Shutterstock

進行地震逃生演習時，小男孩坐喺地上，突然掩面大哭。老師問小男孩發生咩事時，小男孩喊住話：「我擔心我媽媽，地震來了，我擔心爸爸媽媽冇喺屋企逃出來，然後會被砸死」。老師表示，進行演習前，同小朋友上咗一堂「地震課」，教小朋友喺地震嘅時候點樣保護自己，但因為怕小朋友覺得係演習會唔認真對待，所以冇事先通知佢哋，結果小男孩就誤以為真係地震。

Photo from Shutterstock

後來小男孩媽媽睇返段片，媽媽指自己未睇晒段片，就忍唔住喊，話囝囝平時雖然比較曳，不過有一顆暖心，仲話囝囝喺母親節見到個個都拎住花，於是就去咗花店買咗一枝花送畀自己。難怪有唔少網民都大讚呢位小男孩又孝順又可愛！

Text：Mami Editorial