科學家：生仔定生女？由爸爸話事！

相信好多媽媽自從懷孕之後，對肚入面BB嘅性別都好好奇。如果係囡囡就可以買定裙仔幫佢扮靚靚；係仔嘅話，就可以買定玩具車畀佢玩～ 想知生仔定生女，原來要睇爸爸！

近日，紐卡斯爾大學（Newcastle University）嘅科學家Corry Gellatly就發表咗一項新嘅研究，指出可以由男方嘅基因搵出生仔定生女嘅可能性高啲。簡單嚟講，即係如果男方有好多兄弟嘅話，生仔嘅可能性就高啲；如果多啲姊妹嘅話，就好大可能係生女啦！

Photo from Shutterstock

今次呢個研究搵咗927個家庭嘅族譜，並追溯到1600年，對近56萬人嘅訊息進行分析。科學家Corry Gellatly喺呢啲資料中發現，生仔定生女，好大機會係遺傳自父親。

媽媽一般會將自己嘅X染色體遺傳畀BB，所以嬰兒嘅性別可以話係根據男性精子有X或者Y染色體（X or Y chromosome）嚟決定。如果男方嘅X染色體同女方嘅X染色體結合，就會係BB女（XX）；如果係男方嘅Y染色體同女方嘅X染色體結合，就係BB仔（XY）啦。

Photo from Shutterstock

基因由兩部分組成，稱為等位基因（alleles），而其中一部份就係遺傳自父母。科學家Corry Gellatly喺呢個研究中證明男性可以攜帶兩種唔同類型嘅等位基因，並可以分成3個組合唔同組合：

第1個組合mm：擁有更多Y染色體的男性，生兒子嘅可能大較高
第2個組合mf：X、Y染色體數量相約嘅男性，生仔生女嘅可能性相等
第3個組合ff：擁有更多X染色體的男性，生女兒嘅可能大較高

而且呢個研究亦同時指出，呢啲基因亦會世代相傳。所以唔止生仔定生女係由爸爸決定，連生孫仔定孫女都係佢話事！

Photo from Shutterstock

Text：Mami Editorial
Source：Trends in Population Sex Ratios may be Explained by Changes in the Frequencies of Polymorphic Alleles of a Sex Ratio Gene by Corry Gellatly