氣球致命！2歲男童氣管被塞 窒息死亡

好多小朋友都鍾意玩氣球，不過家長要注意啦，千祈唔好睇少一個氣球，皆因個氣球爆咗，分分鐘會有生命危險！上周六，內地一名2歲男童，手持嘅氣球突然爆破，然後氣球嘅碎片飛咗入喉嚨，塞住氣管，最後窒息死亡。

Photo from shutterstock

消息指，當時男童出席緊一個婚禮派對，新婚房間擺放咗一啲氣球裝飾。男童拎咗其中一個氣球玩，不久後氣球突然喺男童面前爆開，氣球嘅碎片入咗男童口內，「卡」咗喺氣管內，男童被送到醫院，搶救無效，證實死亡。

Photo from shutterstock

其實，因為氣球爆破所致嘅意外，並非首次發生，過往亦有多宗類似事件，家長絕對唔可以掉以輕心。除咗氣球外，一啲體積比較細小嘅玩具，物品都要特別小心，以免小朋友有機會誤吞，造成意外。

Photo from shutterstock

Text：Mami Editorial