畀蚊叮 愈搲愈痕？3大快速止痕方法

夏天到，帶小朋友出去玩，各位家長一定會諗盡辦法為佢哋做足防蚊措施。不過，蚊子肆虐，真係防不勝防。小朋友嘅肌膚畀大人幼嬓同敏感，畀蚊一咬，唔單止痕癢，仲好易會又紅又腫。小朋友可能會因此搲傷患處甚至脫皮，導致細菌感染，造成蜂窩性組織炎。今次同大家分享幾個天然止痕法，大人細路都可以試下！

1. 凍水沖洗

最簡單嘅方法，喺街都可以做到。用凍水沖洗畀蚊咬嘅位置，大約5至10分鐘，有助消紅腫、降低痕癢。另外，將毛巾濕水，再放喺蚊患處上，亦同樣有止痕作用。

Photo from MamiDaily

2. 冰敷

小朋友畀蚊叮後，可使用冰敷。冰敷可以舒緩皮膚痕癢及紅腫，減低小朋友搔癢的機會。不過要注意，唔好直接用冰塊接觸小朋友嘅皮膚，最好先將冰塊用毛巾包住或放入膠袋，再放到患處上。

Photo from MamiDaily

3. 蘆薈

好多人都話曬傷一定要搽蘆薈，但其實除咗曬傷，蘆薈對付蚊叮一樣好有用。蘆薈有清涼嘅感覺，可以幫助止痕，同冰敷效果差唔多。不過，蘆薈同時有保濕嘅功能，能減低發炎嘅機會。

Photo from MamiDaily

Text：Mami Editorial