BB掃極風都唔打嗝？ 學好掃風3個方法

當BB出世後，媽媽就要馬上開始餵母乳嘅生活。產後媽媽首先要學嘅就係點樣令BB有效吸吮乳房、掃風、換片。不過，有媽媽亦會疑問：BB唔係用奶樽飲奶先會入風咩？埋身餵母乳唔會入風就唔駛掃風啦！其實，無論係餵母乳抑或係配方奶、奶樽餵或係埋身餵，BB都有機會將空氣吸入，所以唔能夠確保完全冇風落肚，穩陣起見，都應該為BB掃一掃風。

Photo from Shutterstock

好多爸媽都反映，有時會為BB掃風好耐，都無法令BB打嗝，又唔敢貿貿然放下BB，擔心未打嗝嘅BB會嘔奶或濁親，引起窒息危機。

Photo from Shutterstock

如果同一個姿勢無法令BB打嗝，爸媽不妨試下轉換唔用嘅手法，以下係3個常見嘅掃風方法：

1.

將BB放喺自己大脾上坐好，一手托著BB下巴、承托BB胸部，另一隻手輕輕拍打BB背部或向上掃。

2.

將BB抱直，BB下巴貼喺自己嘅肩膊上，用手輕輕地拍打BB背部或向上掃。

3.

將BB放喺自己大脾上坐，雙手扶著BB，輕輕令BB上身以轉圈方式緩緩搖動，然後再嘗試向上掃BB背部。

Text：Mami Editorial

Photo Source： Shutterstock