中大醫學院新研究 預防妊娠糖尿

香港中文大學（中大）醫學院最近發表有關孕婦體重嘅研究報告，結果顯示：無論婦女在懷孕期間體重增加過度或不足，都會增加下一代患上心血管代謝疾病嘅風險，而喺懷孕期間進行「健康生活模式計劃」就可以有效達致標準嘅體重增幅。

Photo from Shutterstock

所以中大醫學院營養研究中心同婦產科學系就進行咗一項研究，測試喺懷孕初期進行「健康生活模式計劃」可唔可以減低高危婦女患上妊娠糖尿嘅風險。

研究團隊喺2015年至2017年之間，總共搵咗220個妊娠期12周或以下、存在患有妊娠糖尿較高風險嘅孕婦，隨機分配接受「產前婦女健康生活模式計劃」同「常規產前護理」（對照組）。

Photo from Shutterstock

而名為「產前婦女健康生活模式計劃」係修訂自中大醫學院營養研究中心設計嘅「健康生活模式計劃」。「健康生活模式計劃」經臨床驗證，有助參加者保持健康嘅體重，仲會提供根據唔同參加者嘅生活模式畀建議，好似一啲食物營養資訊、飲食同生活習慣等。

結果發現，參加「產前婦女健康生活模式計劃」嘅孕婦，患妊娠糖尿的比率只得25.0%，比起「常規產前護理」嘅26.7%，少1.7%。另外，有25.9%嘅「常規產前護理」孕婦喺懷孕期體重過度增加，反之「產前婦女健康生活模式計劃」嘅孕婦就只得18.4%。

Photo from Shutterstock

中大醫學院營養研究中心高級研究員陳淑薇博士就認為遵從「產前婦女健康生活模式」可有效改善孕婦過度增重嘅情況同埋飲食質量。然而，現階段佢哋需要進行更大型嘅研究，去分析呢個模式對降低患妊娠糖尿風險嘅潛在成效。

Source：香港中文大學醫學院