唔止身材走樣咁簡單！產後媽媽8個常見問題

「媽媽好偉大」呢句說話成日聽到，其實大家又知唔知女士生完BB之後，會出現唔同嘅問題，對生理同心理都有好大影響。唔知以下8個產後問題，各位媽媽又有冇遇過呢？

1. 妊娠紋
由於懷孕會令皮膚變薄，真皮層嘅纖維斷裂，所以令到啲微絲血管透現晒出嚟，從而產生妊娠紋。呢啲妊娠紋通常會出現喺下腹、乳房、臀部同埋大腿外側。生完BB後，妊娠紋就會逐漸變淡，變成銀白色、幼細的條紋。

Photo from Shutterstock

2. 脫髮
喺懷孕期間，較多頭髮會處於生長期，比較少會脫落。而產後，呢個現象就會改變，呢啲本來處於生長期嘅頭髮會變成休止期，容易脫落。所以感覺上，產後嘅脫髮就多咗好多。呢個現象會持續4至20個星期，通常喺產後6個月內會不藥而癒。

Photo from Shutterstock

3. 媽媽手
俗稱「媽媽手」嘅橈骨莖突腱鞘炎，是引致準媽媽同產後媽媽手腕痛嘅常見情況。原因係控制拇指伸展嘅肌腱滑膜發炎，導致拇指近手腕嘅位置持續疼痛，特別係使用手腕或拇指嘅時候。

Photo from Shutterstock

4. 流汗過多
生咗BB後，皮膚汗腺功能變得比平時旺盛，因此比起以前，皮膚排出嘅液體比以往更多。所以坐月時，媽媽好容易會因而作感冒。

5. 飲食不定時
以為出院帶咗BB返屋企後，就一天都光晒？錯啊！BB返到屋企先係一切嘅開始，換片、餵奶、泵奶一腳踢，忙到完全唔知時間，好多時連食嘢都唔記得。

6. 睡眠不足
生咗BB之後，BB就主宰一切！佢鍾意夜晚先出動，父母都逼於無奈要陪佢。唔好話唔夠瞓，連生理時鐘都日日轉咁濟！

Photo from Shutterstock

7. 皮膚變差
女人生完之產後，內分泌會有變化，加埋瞓得唔好，皮膚未能夠回復懷孕前，令唔少媽媽都好擔心。

Photo from Shutterstock

8. 產後抑鬱
由於荷爾蒙嘅變化、角色嘅轉變、照顧BB嘅挑戰加埋一啲鎖碎嘅家庭問題，媽媽喺分娩後嘅一段時期出現情緒問題嘅風險會比較高。

Photo from Shutterstock

Text：Mami Editorial
Source：衛生署