世衛為嬰幼兒使用電子奶咀定指引 1歲以下應完全遠離電子屏幕

BB扭計哭喊，只要父母俾平板電腦、手機BB睇，BB總會被「電子奶咀」上嘅畫面、聲音深深吸引，停止哭喊且目不轉睛盯著屏幕，或者好多父母都會暗暗慶幸自己終於有清閒嘅一刻，之不過對小朋友就可能會慢慢累積傷害，如出現近視、專注力下降等。世界衛生組織噚日（24日）就對嬰幼兒使用電子螢幕發出指引，為4歲以下嬰幼兒使用電子產品作出建議時間。

Photo from Shutterstock

世界衛生組織喺有關嬰幼兒使用電子螢幕嘅指引中，建議1歲以內嘅嬰兒應完全遠離電子螢幕，而2至4歲嘅幼兒每日平均使用電子螢幕（包括睇電視、玩電腦遊戲等）嘅時間愈短愈好，而且唔應該超過1個鐘。另外，更要避免幼兒喺瞓覺前使用電子螢幕，以免影響睡眠質素。

Photo from Shutterstock

指引建議，嬰幼兒應該養成良好生活習慣，多活動同保持充足睡眠。1至4歲的幼兒，每天應花至少3小時做各種體能活動，1歲以下嬰兒應透過地板遊戲孩同大人互動，減少接觸電子螢幕嘅機會。

Text：Mami Editorial

Photo Source： Shutterstock

Source：世界衛生組織