越白越鍾意 屋企每幅牆都被小孩畫過

幾乎每一個屋企都有屬於小朋友嘅「藝術牆」，只要越白，小朋友就越鍾意。如果爸媽好好地畀張紙小朋友畫，「藝術家BB」係無動於衷，永遠都唔會畫，但屋企嘅牆、梳發、櫃等等都係小朋友最愛作畫嘅地方，請問有邊位爸媽屋企嘅牆係完美無瑕？

台灣有媽媽就分享咗自己小朋友嘅噴血「畫作」，話說，媽媽要到客廳會客唔得閒睇實囡囡，囡囡就把握媽媽會客嘅時候到牆上作畫，一路沿住樓梯畫，每個角落都可以欣賞到囡囡美麗嘅畫，唔知囡囡嘅目的係唔係就係為咗幫白雪雪嘅牆增加生氣呢？

有網民就讚囡囡嘅畫作其實都唔差，再加上顏色後，可以成為打卡聖地，覺得囡囡好可愛！但媽媽就覺得重點係「小孩就是一秒都不能離身」，分享帖文係希望有人安慰自己，但點解都冇人同情自己！有網民就為咗安慰媽媽，分享自己都係受害人嘅證據，情況比依位媽媽更加慘烈，又係一幅雪白嘅牆但被小朋友畫成充滿色彩線條嘅牆，線條毫無規律，希望可以安慰到媽媽。

但媽媽後來更指，其實屋企其他角落仲有「畫家」嘅痕跡，就係仔仔係牆到作印手畫，仲要選擇黑色印手畫，相當有個性，媽媽無大鬧仔仔，仲無奈要幫畫家拍下美照，睇到仔仔嘅表情就知佢相當滿意自己表現喇！

其實依啲畫都係小朋友成長記錄，爸媽唯有影完相後，再努力啲做清潔喇～

Text：Mami Editorial

Photos：媽媽宋秋秋授權