【安心偷食事件】馬國明首開腔保護黃心穎：佢仲年輕
黃心穎許志安車廂偷情事件，全城震驚！噚日許志安開記招爆喊認錯，指將無限期停止所有工作，而女主角黃心穎啱啱亦終於發聲明指自己犯下嚴重過錯，唔知點面對馬國明。同一時間，馬國明亦喺開工前見記者回應事件。
馬國明開頭已表明，知道呢件事後，好快已經冇咗嬲嘅感覺，變得好平靜，同時亦好擔心所有同呢件事有關嘅人，任何人受到傷害都唔好。佢認為呢件事全世界都冇資格出聲，除咗安仔老婆Sammi。
同時間，作為受害人馬國明指自己想代表黃心穎講幾句，佢話黃心穎其實知道自己犯下大錯，好想出嚟回應，不過公司認為佢情緒唔夠穩定，所以佢啱啱已經喺Instagram講咗自己想講嘅嘢。馬國明續指黃心穎仲好年輕：「未來仲有好多路要行，大家畀啲空間佢！」估唔到，去到呢個moment馬國明仲搏命護花，真係好男人！
另外，噚日爆出偷食事件後，有傳媒即刻去馬國明屋企樓下訪問佢媽媽，佢希望大家高抬貴手，唔好再去採訪佢屋企人，亦唔好放大佢媽媽所講嘅說話。唔止力挺黃心穎，仲保護家人，果然係孝順仔！
Text：Mami Editorial
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
