download MamiDaily 親子日常 app
隋棠大仔呷醋經常打人 扮送走妹妹 哥哥即反對!

隋棠大仔呷醋經常打人 扮送走妹妹 哥哥即反對!

明星家庭
By Circle on 10 Apr 2019
Digital Editor

「手掌又係肉,手背又係肉」,爸爸媽媽睇住仔女吵架,有時真係好頭痕。台灣女星隋棠大仔Max因為呷醋,經常欺負妹妹Lucy,而呢個情況已經持續一段時間。今次隋棠除咗分享解決仔女爭寵問題外,更發現「兄弟姊妹永不分離」呢個道理,真係令人好感動!

A post shared by 隋棠 Sui Tang (@suitangtang) on

台灣女星隋棠同老公Tony婚後育有2子1女,大仔Max、囡囡Lucy同埋細仔Olie,一家五口非常熱鬧。佢經常同網民分享3個仔女嘅生活點滴,有時又會分享育兒心得。

早前,佢喺社交網站度指,有咗囡囡後,大仔Max經常呷醋。最高峰時期,Max時常偷打妹妹,有時唔想同妹妹分享嘅時候,仲會好大力咁推開佢,屢勸不聽,令佢冇晒辦法。軟嘅唔得,唯有強硬一啲,隋棠逼於無奈就同Max講:「如果,媽媽請阿嬤幫我們照顧妹妹,就是,是妹妹住在阿嬤家那種哦,那以後家裡就只有爸爸媽媽跟你一起,這樣是不是你想要的呢?」當時Max呆一呆,硬頸地話好。

A post shared by 隋棠 Sui Tang (@suitangtang) on

事隔半年,Max毫無預警咁同隋棠講:「媽媽,妳不要把妹妹送去阿嬤家,Maxie很愛妹妹。」原來話要送走妹妹啲對話,一直深深咁留喺Max嘅腦海,當得到媽媽回應:「好,不會送,媽媽也捨不得」,Max依然非常倔強地同媽媽強調除咗自己之外,好多人都唔捨得妹妹。言下之意,假裝只係其他人唔想同妹妹分別,同自己冇乜關係,令隋棠哭笑不得。

Max雖然呷醋爭寵,怕爸爸媽媽唔再錫佢,不過對妹妹嘅愛大過所有恐懼,兄妹情深就係咁嘅一回事。自己嘅弟弟或妹妹,只可以自己欺負,一聽到要送走佢哋,個心都離一離,真係絕對不能接受。今次嘅爭寵事件,令隋棠發現囝囝已經開始成長,難怪佢見到囝囝咁暖心「保護」妹妹,會感動到想喊啦!

Text:Mami Editorial
Source:隋棠 @Facebook

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道