睇嚟睇去都係嗰本書？ 重複閱讀同一本書 原來有好處

每次到閱讀時間，小朋友都想睇佢哋最鍾意嗰本書，家長同時亦不得不配合咁向佢哋講同一個故事。

好多父母可能已經將個故事講到滾瓜爛熟，或者已經講到好悶，有時會提議「不如睇其他書啊？」不過千祈唔好咁做啊，有專家指出原來重複閱讀同一本書，孩子會變得更聰明！

小朋友閱讀得愈多，認識到嘅詞彙就會愈多。當佢哋經常睇或聽同一個故事，就會對故事內容使用過嘅用詞更熟悉，絕對對佢哋未來嘅發展有幫助。

Photo from Shutterstock

學習語言往往唔係認得個字咁簡單，點樣運用、文法等其實更重要。所以當小朋友重複聽佢哋鍾意同有興趣嘅故事時，會更了解句子結構、詞彙運用等方面，為未來學習打好基礎。

加上，小朋友睇或聽同一個故事嘅次數愈多，對佢嘅認知程度亦會提升，咁樣佢哋嘅理解能力亦會愈來愈強。更會提高佢哋閱讀其他書籍的信心，咁以後就會愈睇愈多書啦！

以後床邊故事時間，就算小朋友想睇同一本書，爸爸媽媽都唔怕再重複讀同一本書啦！

Text：Mami Editorial
Source：Read Brightly