用幽默帶過成為巨B嘅不便 最感謝媽媽承受生產痛苦

肥嘟嘟嘅BB總係惹人寵愛，但如果一出世就已經係巨B，媽媽就要擔心BB健康，甚至會影響BB日後生活？美國有BB出世時重達16磅，轟動全美國，當時大家都對依位巨B相當好奇，擔上「巨B」依嗰稱號後，唔知依位巨B 35年後會過成點呢？

Photo from Inside Edition

35歲嘅Clark現時重300磅，高6呎9吋，即有2米高！自出世時，Clark一直搣唔甩「巨B」依個稱號。由細到大Clark都比同齡小朋友高大，而且當時巨B新聞震驚全美國，好多人都對Clark「相當了解」，甚至只要一見面就要佢分享有關「小時候」嘅事。

Photo from New York Post

「不論任何聚會，我每次都會成為大家討論嘅話題！」Clark好似對依樣嘢已經成為習慣，雖然每次都要重復自己BB經歷，而自己其實都唔知發生咩事，但Clark話每次講返起大家都會不約而同話「你媽媽真係好犀利，好好運生完你之後仍然生存！」所以每次提返起，就會更愛自己媽媽。

Photo from Inside Edition

Clark媽媽指生產時需要3位醫生協助，而且生後就開始知道要湊大依個巨B一啲都唔容易，佢好似跳過咗初生嬰兒一部分，因為佢一出世就連初生BB衫同初生BB籃都用唔到，大個後，佢又要為咗自己身高感到尷尬，屋企人都要花啲時間同佢解釋同更關懷佢。

Photo from New York Post

當年因為Clark出世一道成為大家熱話，唔少傳媒爭住報道，曾有傳媒向Clark媽媽支付2500美元，希望可以獨家報道Clark。Clark指，當時嘅報道費對於爸爸媽媽嚟講好重要，因為可以令我哋一家飛去加利福尼亞探爺爺，並幫助爺爺嫲嫲喺當地退休。所以對於成為「巨B」Clark亦不抗拒，但知道自己要大方一啲成為人哋討論嘅話題。

Photo from Inside Editi

Photo from Inside Edition

雖然「巨B」可以幫補小小佢地家庭收入，但Clark仍然面對成為「巨B」嘅生活問題，例如，進出門口會撞到頭、使用基本淋浴設施亦滿足唔到、開普通車亦成問題，甚至係撰偶時都會出現尷尬，但Clark仍然一步一步健康生活。

Photo from Inside Edition

Clark指：「雖然曾經成為萬人焦點，亦有好多人期待我會做籃球員，但依啲都唔係我嘅夢想，我只係想平平淡淡生活，找到愛人後建立家庭，亦要報答媽媽辛苦生我嘅養育之恩。」

曾經美國著名欖球隊NFL亦去信邀請Clark加入，但Clark大學畢業後，冇似其他人所講做球員，反而加入美國空軍，其後成為軍警，Clark指「但巨B嘅名譽一直跟住自己，因為大個後，佢仍然比其他人大隻，正正因為咁，好多人以為我係「大佬」，咩事都以為我負責⋯⋯⋯⋯但學媽媽一直教我，我只可以幽默帶過所有誤會，我要為「巨B」身份負責。」

巨B身份可能令到Clark生活充滿「挑戰」，但Clark從來冇埋怨，覺得媽媽要生下自己真係唔係一件容易事，反而更加珍惜一切！

Text：Mami Editorial

Sources：New York Post & Inside Edition